𑢾𑢢𑢼𑢶𑢡 𑢾𑢢𑢠𑢫𑢢

𑢹𑣒𑣂𑣈 𑣕𑣈𑣍 𑣞𑣈𑣓𑣁 𑣌𑣑𑣁
𑢹𑣁𑣒 𑣕𑣓𑣑𑣂 𑣌𑣉𑣍 𑣘𑣜𑣉𑣖 𑣕𑣓𑣁
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣞𑣃𑣕𑣃𑣄 𑣅𑣁 𑣌𑣊 𑣖𑣈.


𑢷𑣃𑣜𑣃 𑣋𑣎𑣛𑣁 𑢭 𑣘𑣜𑣉𑣖 𑣕𑣓𑣁
𑢷𑣙𑣁𑣓 𑣋𑣛𑣁 𑣔'𑣄 𑢭 𑣉𑣅𑣜𑣈𑣓 𑣕𑣓𑣁
𑢶𑣜𑣀 𑣗𑣃𑣜𑣃 𑣗𑣀𑣋𑣁 𑣗𑣃𑣜𑣃 𑣜𑣌𑣁 𑣌𑣀 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣜𑣌𑣁𑣙 𑣌𑣍 𑣖𑣈.


𑢧𑣜𑣂𑣄 𑣌𑣉𑣀 𑣋𑣃𑣐𑣂 𑣋𑣉𑣒 𑣕𑣓𑣁
𑢶𑣈𑣜𑣉𑣖 𑣌𑣉𑣀 𑣙𑣜 𑣋𑣉𑣒 𑣕𑣓𑣁
𑢷𑣋𑣈𑣅𑣁 𑣗𑣉𑣊𑣋𑣁 𑣗𑣃𑣜𑣃 𑣗𑣉𑣓𑣋𑣁 𑣌𑣉 𑣋𑣃𑣘𑣂 𑣔𑣈𑣀𑣋𑣍 𑣘𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣋𑣉𑣒 𑣔𑣈𑣀 𑣕𑣍 𑣖𑣈.


𑢷𑣃𑣜𑣃 𑣁𑣛𑣄 𑢭 𑣞𑣂𑣑 𑣕𑣓𑣁
𑢸𑣕𑣛𑣁 𑣇𑣑 𑢭 𑣙𑣚𑣀 𑣕𑣓𑣁
𑢷𑣂𑣜 𑣗𑣃𑣜𑣃 𑣗𑣉𑣊𑣋𑣁 𑣗𑣃𑣜𑣃 𑣌𑣉 𑣞𑣂𑣑 𑣔𑣈𑣀𑣋𑣍 𑣘𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣙𑣚𑣀 𑣔𑣈𑣀𑣋𑣀 𑣖𑣈.


𑢷𑣗𑣁 𑣘𑣛𑣁 𑢭 𑣕𑣁𑣆𑣄 𑣕𑣓𑣁
𑢺𑣉𑣞𑣉𑣑 𑣌𑣃𑣓𑣑𑣂 𑣜𑣈𑣍 𑣜𑣉𑣅𑣁 𑣕𑣓𑣁
𑢸𑣇𑣓𑣂 𑣌𑣃𑣓𑣑𑣂 𑣗𑣉𑣊𑣋𑣁 𑣗𑣃𑣜𑣃 𑣌𑣉 𑣎𑣀𑣋𑣂 𑣅𑣁 𑣌𑣓 𑣘𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣞𑣁𑣜 𑣈𑣖𑣍 𑣖𑣈.


𑢨𑣞𑣌𑣁𑣜 𑣋𑣈𑣓 𑣋𑣂𑣕𑣂𑣄𑣅𑣈 𑣌𑣓𑣁
𑢡𑣔𑣂𑣀 𑣓𑣂𑣀𑣔𑣈 𑣜𑣈𑣍 𑣗𑣉𑣜𑣉𑣅 𑣕𑣓𑣁
𑢹𑣛𑣁𑣖 𑣁𑣓𑣑𑣉𑣄 𑣔𑣃𑣛𑣃𑣖 𑣙𑣛 𑣌𑣉 𑣋𑣂𑣕𑣂𑣄 𑣋𑣉𑣉𑣖𑣍 𑣘𑣈.
𑢾𑣂𑣜𑣂𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣞𑣃𑣕𑣃𑣄𑣁𑣙 𑣌𑣊 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣜𑣌𑣁𑣙 𑣌𑣊 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣋𑣉𑣒 𑣔𑣈𑣀𑣋𑣁𑣍 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣙𑣚𑣀 𑣔𑣈𑣀𑣋𑣁𑣍 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣞𑣁𑣜 𑣈𑣖𑣍 𑣖𑣈.
𑢾𑣂𑣜𑣖𑣁 𑣜𑣈𑣓 𑣞𑣂𑣀𑣋𑣂 𑣗𑣊𑣋𑣁 𑣔𑣃𑣛𑣃𑣖 𑣈𑣖𑣍 𑣖𑣈.
𑢳𑣁𑣓𑣁 𑣓𑣁𑣓𑣁 𑣓𑣁...𑣓𑣁.. 𑣓𑣁𑣓𑣁... 𑣓𑣁𑣓𑣁 𑣓𑣁𑣓𑣁.


𑢶𑣉𑣕𑣙𑣃𑣜𑣁 𑢡𑣚𑣑𑣁
𑢮𑣉𑣝𑣂𑣘𑣃𑣜, 𑢶𑣉𑣅𑣃𑣜𑣗𑣙𑣉𑣍